Angliya Premyer-ligasining top-5 klubi «Manchester Siti»ni ligadan chiqarish va «shaharliklar»ga transferlarni amalga oshirishni taqiqlashni istamoqda. Bu haqda FullTime Report X ijtimoiy tarmog‘ida xabar berdi.

Manba ma’lumotiga ko‘ra, «Manchester Siti» egalari jamoaning APLdan tushirib yuborilishining oldini olish uchun barcha choralarni ko‘rmoqda. Biroq «shaharliklar» yuristlari oxir-oqibat klubni quyi divizionga tushirish jazosi kutayotganini taxmin qilmoqda.

Sentyabr oyi oxirida APLning mustaqil komissiyasi «Manchester Siti» 2009–2018 yillar oralig‘ida musobaqaning moliyaviy qoidalarini keng ko‘lamda buzgani bo‘yicha qo‘yilgan 115 ta ayblovdan 114 tasi bo‘yicha aybdor deb topilganini ma’lum qilgan edi.

Klubga nisbatan qo‘llanishi mumkin bo‘lgan sanksiyalar orasida sovrinlardan mahrum qilish, ochkolarni olib tashlash, transfer taqiqi yoki katta miqdorda jarima solish kabi choralar bo‘lishi mumkinligi xabar qilingan.