«Liverpul» markaziy himoyachisi Virjil van Deyk klub bilan kelajakdagi xayrlashuvi qanday kechishi mumkinligi haqida fikr bildirdi.

35 yoshli niderlandiyalik futbolchining mersisaydliklar bilan amaldagi shartnomasi joriy mavsum yakunlanganidan so‘ng tugaydi.

Hozircha «Liverpul» sardori kelasi yozda jamoada qoladimi yoki yo‘qmi, noma’lum.

Sky Sports nashriga bergan intervyusida Van Deyk klub bilan xayrlashish vaqti kelganda qanday hissiyotlarni boshdan kechirishi haqida gapirdi.

— Men seni hissiyotlarini ochiq namoyon qiladigan inson deb aytmagan bo‘lardim.

— Ammo kelajakda, klub bilan xayrlashish vaqti kelganda, mening hissiyotlarimni ko‘rasan. Bu juda hissiyotli kun bo‘ladi. Ortimda aql bovar qilmas darajadagi yo‘l qoladi, — dedi niderlandiyalik futbolchi.

Virjil van Deyk 2018 yil boshidan buyon «Liverpul» sharafini himoya qilib kelmoqda.

Himoyachi shu vaqtga qadar mersisaydliklar safida jami 380 ta uchrashuvda maydonga tushib, 36 ta gol urgan va 16 ta golli uzatmani amalga oshirgan.