«Ливерпуль» марказий ҳимоячиси Виржил ван Дейк клуб билан келажакдаги хайрлашуви қандай кечиши мумкинлиги ҳақида фикр билдирди.

35 ёшли нидерландиялик футболчининг мерсисайдликлар билан амалдаги шартномаси жорий мавсум якунланганидан сўнг тугайди.

Ҳозирча «Ливерпуль» сардори келаси ёзда жамоада қоладими ёки йўқми, номаълум.

Sky Sports нашрига берган интервьюсида Ван Дейк клуб билан хайрлашиш вақти келганда қандай ҳиссиётларни бошдан кечириши ҳақида гапирди.

— Мен сени ҳиссиётларини очиқ намоён қиладиган инсон деб айтмаган бўлардим.

— Аммо келажакда, клуб билан хайрлашиш вақти келганда, менинг ҳиссиётларимни кўрасан. Бу жуда ҳиссиётли кун бўлади. Ортимда ақл бовар қилмас даражадаги йўл қолади, — деди нидерландиялик футболчи.

Виржил ван Дейк 2018 йил бошидан буён «Ливерпуль» шарафини ҳимоя қилиб келмоқда.

Ҳимоячи шу вақтга қадар мерсисайдликлар сафида жами 380 та учрашувда майдонга тушиб, 36 та гол урган ва 16 та голли узатмани амалга оширган.