Germaniya milliy terma jamoasining sobiq futbolchisi Lotar Matteus «Bavariya» darvozaboni Yonas Urbigning milliy jamoa safidagi o‘yinlarini yuqori baholadi.
23 yoshli darvozabon Yurgen Klopp boshchiligidagi Germaniya terma jamoasining UYEFA Millatlar ligasidagi ikkita uchrashuvida asosiy tarkibda maydonga tushdi.
Urbig har ikki bahsda ham o‘z darvozasi daxlsizligini saqlab qolishga muvaffaq bo‘ldi.
Lotar Matteus Bild nashridagi mualliflik maqolasida yosh darvozabonni Manuel Noyerga qiyosladi.
«Men Urbigni jiddiy da’vogar sifatida ko‘raman.
Uning oyoq bilan o‘ynashi, harakatlari, seyvlari va darvozadan chiqib harakat qilishiga qarab, xuddi yosh Manuel Noyerni ko‘rayotgandek bo‘ldim», — deb yozdi Matteus.
Ayni paytda Yonas Urbig «Bavariya»da 40 yoshli Manuel Noyerdan keyingi ikkinchi darvozabon hisoblanadi.
Noyerning esa klub miqyosidagi futbolchilik faoliyati yakunlanish arafasida.
