Leverkuzenning «Bayer» klubi himoyachisi Jarell Kuansa faoliyatini davom ettirish uchun «Liverpul»ga qaytishni ustuvor variant sifatida ko‘rmayapti.

Bu haqda Football Insider nashri xabar bermoqda.

Manba ma’lumotlariga ko‘ra, «Liverpul»da futbolchini qayta sotib olish huquqi mavjud. Biroq «Bayer»dagi muvaffaqiyatli davridan so‘ng angliyalik himoyachi mersisaydliklar safiga qaytish o‘rniga faoliyatida yangi chaqiriqni qabul qilishni afzal ko‘rmoqda.

Tarqalgan xabarlarga ko‘ra, «Liverpul» Kuansani 70,25 million yevroga qayta sotib olishi mumkin. Biroq bu imkoniyat faqat 2027 yil yozigacha amal qiladi.

Kuansa «Liverpul» akademiyasi tarbiyalanuvchisi hisoblanadi.

23 yoshli himoyachi joriy mavsumda barcha musobaqalar doirasida oltita uchrashuvda maydonga tushib, bitta golli uzatmani amalga oshirgan.