«Barselona» bosh murabbiyi Xans-Diter Flik milliy terma jamoalar o‘yinlari munosabati bilan yuzaga keladigan uzoq tanaffuslar va tig‘iz o‘yinlar taqvimiga munosabat bildirdi.

«Bu futbolning bir qismi. Biz bunday vaziyatga moslashishimiz kerak.

Shaxsan menga bu yoqmaydi, ammo hech narsani o‘zgartira olmayman. Oxir-oqibat, boshqa jamoalar ham xuddi shunday vaziyatda.

Kelgusi ikki hafta davomida «Barselona»ni beshta juda muhim uchrashuv kutmoqda.

Biz ularga puxta tayyorgarlik ko‘rishimiz kerak va buni albatta amalga oshiramiz», — dedi Flik matbuot anjumanida.

Ispaniya La Ligasining yettita turidan so‘ng «Barselona» 21 ochko jamg‘argan holda turnir jadvalida peshqadamlik qilmoqda.

Kataloniyaliklar eng yaqin ta’qibchilaridan besh ochko oldinda bormoqda.