«Барселона» бош мураббийи Ханс-Дитер Флик миллий терма жамоалар ўйинлари муносабати билан юзага келадиган узоқ танаффуслар ва тиғиз ўйинлар тақвимига муносабат билдирди.
«Бу футболнинг бир қисми. Биз бундай вазиятга мослашишимиз керак.
Шахсан менга бу ёқмайди, аммо ҳеч нарсани ўзгартира олмайман. Охир-оқибат, бошқа жамоалар ҳам худди шундай вазиятда.
Келгуси икки ҳафта давомида «Барселона»ни бешта жуда муҳим учрашув кутмоқда.
Биз уларга пухта тайёргарлик кўришимиз керак ва буни албатта амалга оширамиз», — деди Флик матбуот анжуманида.
Испания Ла Лигасининг еттита туридан сўнг «Барселона» 21 очко жамғарган ҳолда турнир жадвалида пешқадамлик қилмоқда.
Каталонияликлар энг яқин таъқибчиларидан беш очко олдинда бормоқда.
