«Barselona» bosh murabbiyi Xans-Diter Flik Ispaniya La Ligasi doirasida «Xetafe»ga qarshi uchrashuv oldidan yarim himoyachi Frenki de Yongning jarohatdan keyin jamoa safiga qachon qaytishi mumkinligi haqida ma’lumot berdi.
Germaniyalik mutaxassis niderlandiyalik futbolchining 17 oktyabr kuni bo‘lib o‘tadigan «Real Betis»ga qarshi o‘yinda qaydnomaga kiritilishi mumkinligini ta’kidladi.
«Rejamizga ko‘ra, ehtimol, «Betis»ga qarshi uchrashuv uning ilk bor qaydnomaga kiritiladigan o‘yini bo‘lar.
Yaxshi xabarlar bor: u hozir og‘riq sezmayapti. Biroq hali kutishimiz kerak», — dedi Flik.
Frenki de Yong so‘nggi bir necha kundan buyon jamoa bilan birgalikda mashg‘ulot o‘tkazmoqda.
Niderlandiyalik yarim himoyachi 2026 yilgi jahon chempionatidan buyon uni maydondan chetda qoldirgan tizza jarohatidan tiklanishning yakuniy bosqichiga yaqinlashmoqda.
Shuningdek, Flik Andreas Kristensenning uzoq muddatli jarohati sabab de Yong zarurat tug‘ilganda markaziy himoyada ham o‘ynashi mumkinligini bildirdi.
