"Liverpul" bosh murabbiyi Andoni Iraola nima uchun futbolchilarga bajarilmaydigan va’dalar bermaslik muhimligi haqida fikr bildirdi.
Ispaniyalik mutaxassis yakshanba kuni Angliya Premyer-ligasi doirasida "Manchester Siti"ga qarshi bo‘lib o‘tadigan uchrashuv oldidan jurnalistlar bilan suhbatlashdi.
"Aslo qilish mumkin bo‘lmagan ish — futbolchilarga yolg‘on gapirish. Ular bilan halol munosabatda bo‘lish kerak.
Agar futbolchida imkoniyat bo‘lmasligi mumkin bo‘lsa, unga "Xavotir olma, senda ham imkoniyat bo‘ladi", deb aytish to‘g‘ri emas.
Men boshqacharoq gapirishni afzal ko‘raman: "Sen tarkibdagi o‘rning uchun kurashishing kerak. Biroq hozir qiyin vaziyatdasan, chunki men boshqa futbolchilarni afzal ko‘ryapman".
Bu ko‘proq o‘ziga xos chaqiriqqa o‘xshaydi.
Sen maydonda o‘ynash imkoniyatiga munosib ekaningni mehnating bilan isbotlashing kerak.
Hech kim senga maydondan joyni shunchaki sovg‘a qilmaydi. O‘z o‘yining bilan bunga loyiq ekaningni ko‘rsatishing shart.
Barcha qarorlar jamoa manfaatlaridan kelib chiqib qabul qilinadi", — deya Iraolaning so‘zlarini keltiradi Anfield Sector.
"Liverpul" va "Manchester Siti" o‘rtasidagi uchrashuv 11 oktyabr kuni O‘zbekiston vaqti bilan soat 20:30 da boshlanadi.
