"Ливерпуль" бош мураббийи Андони Ираола нима учун футболчиларга бажарилмайдиган ваъдалар бермаслик муҳимлиги ҳақида фикр билдирди.

Испаниялик мутахассис якшанба куни Англия Премьер-лигаси доирасида "Манчестер Сити"га қарши бўлиб ўтадиган учрашув олдидан журналистлар билан суҳбатлашди.

"Асло қилиш мумкин бўлмаган иш — футболчиларга ёлғон гапириш. Улар билан ҳалол муносабатда бўлиш керак.

Агар футболчида имконият бўлмаслиги мумкин бўлса, унга "Хавотир олма, сенда ҳам имконият бўлади", деб айтиш тўғри эмас.

Мен бошқачароқ гапиришни афзал кўраман: "Сен таркибдаги ўрнинг учун курашишинг керак. Бироқ ҳозир қийин вазиятдасан, чунки мен бошқа футболчиларни афзал кўряпман".

Бу кўпроқ ўзига хос чақириққа ўхшайди.

Сен майдонда ўйнаш имкониятига муносиб эканингни меҳнатинг билан исботлашинг керак.

Ҳеч ким сенга майдондан жойни шунчаки совға қилмайди. Ўз ўйининг билан бунга лойиқ эканингни кўрсатишинг шарт.

Барча қарорлар жамоа манфаатларидан келиб чиқиб қабул қилинади", — дея Ираоланинг сўзларини келтиради Anfield Sector.

"Ливерпуль" ва "Манчестер Сити" ўртасидаги учрашув 11 октябрь куни Ўзбекистон вақти билан соат 20:30 да бошланади.