Bugun, 10 oktyabr kuni O‘zbekiston Superligasining 23-tur bahslari davom ettiriladi. Turning navbatdagi uchrashuvida "Qizilqum" o‘z maydonida "Surxon"ni qabul qiladi.

Uchrashuv soat 18:00 da boshlanadi.

Jadvaldagi vaziyat

23-tur oldidan "Qizilqum" 22 ta uchrashuvda 29 ochko jamg‘arib, turnir jadvalida 10-o‘rinni egallab turibdi. Navoiyliklar hisobida 23 ta urilgan va 30 ta o‘tkazib yuborilgan gol bor.

"Surxon" esa 22 ta bahsdan so‘ng 26 ochko bilan 12-pog‘onada joylashgan. Termizliklar joriy mavsumda 19 ta gol urib, 28 ta to‘p o‘tkazib yuborgan.

Shu bois bugungi bahs har ikki jamoa uchun turnir jadvalidagi o‘rnini yaxshilash nuqtai nazaridan muhim ahamiyat kasb etadi.

23-turdagi holat

Tur doirasida hozirga qadar "Neftchi" va "Xorazm" 2:2 hisobida durang o‘ynadi. "Qo‘qon-1912" "Mash’al"ni 3:0 hisobida mag‘lub etdi. "Paxtakor" "Bunyodkor" ustidan 3:1, "Buxoro" "Andijon" ustidan 3:2, "Nasaf" esa "Dinamo"ga qarshi 2:1 hisobida g‘alaba qozondi.

Ayni paytda "Paxtakor" va "Neftchi" 52 ochkodan jamg‘argan. O‘zaro o‘yinlar bo‘yicha "Paxtakor" jadvalda birinchi o‘rinda turibdi.