Бугун, 10 октябрь куни Ўзбекистон Суперлигасининг 23-тур баҳслари давом эттирилади. Турнинг навбатдаги учрашувида "Қизилқум" ўз майдонида "Сурхон"ни қабул қилади.

Учрашув соат 18:00 да бошланади.

Жадвалдаги вазият

23-тур олдидан "Қизилқум" 22 та учрашувда 29 очко жамғариб, турнир жадвалида 10-ўринни эгаллаб турибди. Навоийликлар ҳисобида 23 та урилган ва 30 та ўтказиб юборилган гол бор.

"Сурхон" эса 22 та баҳсдан сўнг 26 очко билан 12-поғонада жойлашган. Термизликлар жорий мавсумда 19 та гол уриб, 28 та тўп ўтказиб юборган.

Шу боис бугунги баҳс ҳар икки жамоа учун турнир жадвалидаги ўрнини яхшилаш нуқтаи назаридан муҳим аҳамият касб этади.

23-турдаги ҳолат

Тур доирасида ҳозирга қадар "Нефтчи" ва "Хоразм" 2:2 ҳисобида дуранг ўйнади. "Қўқон-1912" "Машъал"ни 3:0 ҳисобида мағлуб этди. "Пахтакор" "Бунёдкор" устидан 3:1, "Бухоро" "Андижон" устидан 3:2, "Насаф" эса "Динамо"га қарши 2:1 ҳисобида ғалаба қозонди.

Айни пайтда "Пахтакор" ва "Нефтчи" 52 очкодан жамғарган. Ўзаро ўйинлар бўйича "Пахтакор" жадвалда биринчи ўринда турибди.