«An-Nasr» hujumchisi Krishtianu Ronaldu Saudiya Arabistoni chempionati doirasida «Ad-Diriya»ga qarshi uchrashuvda navbatdagi golini urdi.
«An-Nasr» 3:0 hisobida g‘alaba qozongan bahsda 41 yoshli futbolchi 23-daqiqada raqib darvozasini ishg‘ol qilib, hisobni ochdi.
Al Nassr Zone ma’lumotlariga ko‘ra, portugaliyalik yulduz Saudiya Arabistoni chempionatida shu kungacha to‘qnash kelgan 25 ta jamoaning 24 tasiga gol urishga muvaffaq bo‘lgan.
Ronalduning gol urishiga yo‘l qo‘ymagan yagona jamoa «Al-Batin» bo‘lib turibdi.
Joriy mavsum Saudiya Arabistoni chempionatida Krishtianu yettita uchrashuvda maydonga tushib, to‘rt marta raqiblar darvozasini ishg‘ol qildi.
Uning professional faoliyati davomida urgan gollari soni esa 980 taga yetdi.
Eslatib o‘tamiz, Ronaldu 2023 yil boshidan buyon «An-Nasr» sharafini himoya qilib kelmoqda.
