Londonning “Chelsi” klubi Angliya terma jamoasi yarim himoyachisi Koul Palmer bilan hamkorlikni yana bir yilga uzaytirdi. Bu haqda klub matbuot xizmati ma’lum qildi.

24 yoshli futbolchining yangi shartnomasi 2034 yilning yoziga qadar amal qiladi. Avvalgi kelishuv 2033 yilda yakunlanishi kerak edi. Yangi bitimga ko‘ra, Palmerning moliyaviy shartlari ham yaxshilangan.

Angliyalik futbolchi 2023 yilning sentyabr oyida “Manchester Siti”dan “Chelsi”ga ko‘chib o‘tgan. U qisqa vaqt ichida London klubining asosiy futbolchilaridan biriga aylandi.

Palmer “Chelsi” safida barcha musobaqalar doirasida 138 ta uchrashuvda ishtirok etib, 91 ta golli harakatni amalga oshirgan. Shuningdek, u jamoa bilan Konferensiyalar ligasi va klublar o‘rtasidagi jahon chempionatida g‘olib chiqqan.

Futbolchi yangi shartnoma imzolash qaroriga klub rahbariyati va murabbiylar shtabi bilan o‘tkazilgan muzokaralar ta’sir qilganini ta’kidladi. U “Chelsi”ning kelajagiga ishonishini hamda jamoadoshlari bilan yirik sovrinlar uchun kurashish niyatida ekanini bildirdi.

Joriy mavsumda Palmer Angliya Premyer-ligasida 7 ta uchrashuvda 4 ta gol va 2 ta golli uzatmani o‘z hisobiga yozdirgan.