"Tottenxem"ning sobiq futbolchisi Kris Uoddl London klubi hamda "Manchester Yunayted"ning Angliya Premyer-ligasidagi muvaffaqiyatsiz starti haqida fikr bildirdi.
Uning ta’kidlashicha, har ikki jamoa ham qiyin davrni ortda qoldirib, mavsum davomida o‘z o‘yinini yaxshilashga qodir.
"Menimcha, "Tottenxem"ning o‘yini umidbaxsh ko‘rindi. Jamoa birinchi bo‘limda juda yaxshi harakat qildi.
Ikkinchi bo‘limda esa "Manchester Yunayted" o‘yin sur’atini oshirdi. Umuman olganda, "Tottenxem" ajoyib o‘yin namoyish etdi.
"Manchester Yunayted"ni esa hali juda ko‘p ish kutmoqda. Jamoa o‘z kuchiga bo‘lgan ishonchni yo‘qotgan va uni qayta tiklashi kerak.
Shunga qaramay, menimcha, joriy mavsumda har ikki jamoaning ham ishlari yaxshi bo‘ladi. Ularga shunchaki o‘z kuchiga bo‘lgan ishonch yetishmayapti", — deya Uoddlning so‘zlarini keltiradi BBC Sport.
Eslatib o‘tamiz, "Manchester Yunayted" va "Tottenxem" Angliya Premyer-ligasining 6-turida o‘zaro to‘qnash keldi. Mazkur uchrashuv 1:1 hisobidagi durang bilan yakunlandi.
