Ispaniyalik radioboshlovchi va sport sharhlovchisi Manolo Lama Ispaniya chempionati doirasida «Vilyarreal»ga qarshi o‘yin vaqtida madridlik «Real» bosh murabbiyi Joze Mourinyoning texnik hududdagi xatti-harakatlarini tanqid qildi.

«Mourinyo o‘zining bu xatti-harakatlari bilan jamoasiga ham ta’sir o‘tkazadi. U futbolchilarni tom ma’noda aqldan ozdiradi, asabiylashtiradi va hakamlarga maksimal bosim o‘tkazish uchun tribunalarni ham qo‘zg‘atadi. Uning barcha xatti-harakatlari — bu sof teatr.

Mourinyo inqirozli vaziyatda hammani chalg‘itish uchun shlyapasidan quyon chiqaradigan ayyor siyosatchilarni eslatadi. Uning maqsadi — atrofdagilarning barchasi haqiqiy muammolarni emas, balki shu quyonni muhokama qilishini ta’minlash», — deya Lamaning so‘zlarini keltirmoqda COPE.