«Tottenxem» mavsumni omadsiz boshlaganiga qaramay, Roberto De Dzerbini bosh murabbiylik lavozimidan bo‘shatishni rejalashtirmayapti. Londonliklar dastlabki oltita uchrashuvda birorta ham g‘alabaga erishmagan, biroq klub rahbariyati hanuz italiyalik mutaxassisga ishonch bildirmoqda. Bu haqda TEAMtalk xabar berdi.

Klubda De Dzerbi uzoq muddatli loyihani amalga oshirish uchun munosib murabbiy deb hisoblanmoqda. Rahbariyat tarkib yangilanganidan so‘ng futbolchilarning o‘zaro hamjihatligi ortishi va natijalar yaxshilanishiga umid qilmoqda. Shuningdek, klub rahbarlari italiyalik mutaxassisning o‘zi jamoani tark etishidan ham xavotirda emas.

Murabbiyni qo‘llab-quvvatlashda klubning yozgi transferlar uchun sarflagan katta mablag‘lari ham muhim omil bo‘lmoqda. Rahbariyat De Dzerbiga kuchaytirilgan tarkib bilan ishlash va o‘zining o‘yin uslubini jamoaga singdirish uchun vaqt berishni rejalashtirmoqda.

De Dzerbi o‘tgan mavsumning mart oyi oxirida, jamoa Angliya Premyer-ligasidagi o‘rnini saqlab qolish uchun kurashayotgan paytda «Tottenxem» bosh murabbiyi etib tayinlangan edi. Mutaxassis londonliklarning elita divizionida qolishini ta’minladi.

Ayni paytda «shporlar» APLning olti turidan so‘ng uch ochko bilan turnir jadvalida 18-o‘rinni egallab turibdi.