"Bavariya" bosh murabbiyi Vensan Kompani UEFA Chempionlar ligasi umumiy bosqichining 2-turida Norvegiyaning "Viking" klubiga qarshi bo‘lib o‘tadigan uchrashuv oldidan o‘z fikrlarini bildirdi.

Belgiyalik mutaxassis raqib jamoa uchun ushbu bahs alohida ahamiyat kasb etishini ta’kidlab, myunxenliklar ham uchrashuvga jiddiy yondashishini ma’lum qildi.

"Chempionlar ligasidagi har bir o‘yin — yangi sinov. Raqibimiz uchun bu o‘ziga xos, alohida ahamiyatga ega uchrashuv bo‘ladi.

Biroq bu bahs biz uchun muhim emas, deb o‘ylash kerak emas. Oldindagi o‘yinda har qanday voqea sodir bo‘lishi mumkin. Umid qilamanki, barchasi biz rejalashtirgandek kechadi", — deya Kompanining so‘zlarini keltiradi Bayern & Germany.

Eslatib o‘tamiz, "Viking" va "Bavariya" o‘rtasidagi Chempionlar ligasi uchrashuvi 13 oktyabr kuni Norvegiyada bo‘lib o‘tadi.

Bahs Toshkent vaqti bilan 14 oktyabrga o‘tar kechasi soat 00:00 da boshlanadi.