«Barselona» bosh murabbiyi Xans-Diter Flik UYEFA Chempionlar ligasi umumiy bosqichi 2-turida «Galatasaroy» ustidan qozonilgan g‘alaba (4:1) haqida fikr bildirib, Lamin Yamalning o‘yiniga baho berdi.
«Biz yaxshi o‘ynadik, ammo uchrashuv oson kechmadi. Raqib bitta golli vaziyat yaratib, hisobda oldinga chiqib oldi. Biroq biz bunga munosib javob qaytarib, o‘yinga qayta oldik.
Chempionlar ligasida o‘ynash har doim qiyin. Ba’zi vaziyatlarda maydonning hujum chizig‘idagi uchdan bir qismida eng to‘g‘ri qarorlarni qabul qila olmadik. Ammo shunday muhitga qaramay, ushbu stadionda g‘alaba qozonishga muvaffaq bo‘ldik.
Bugun Lamin gol urmadi, ammo ikki yoki uchta golli vaziyat yaratdi. U aqlbovar qilmas futbolchi va biz uchun juda muhim», — dedi Flik Movistar nashriga bergan intervyusida.
