"Roma" bosh murabbiyi Jan Pyero Gasperini Yevropa Chempionlar ligasi umumiy bosqichining 2-turidan o‘rin olgan Madridning "Real" klubiga qarshi uchrashuv haqida fikr bildirdi.
Rimda bo‘lib o‘tgan bahs mezbonlarning 3:4 hisobidagi mag‘lubiyati bilan yakunlandi.
Italiyalik mutaxassisning fikricha, uning shogirdlari o‘yin davomida raqibdan ustun harakat qilgan va yanada ko‘proq gol urish imkoniyatiga ega bo‘lgan.
"Real" o‘yin saviyasi bo‘yicha bizga hatto yaqinlasha olmadi. Ular o‘z imkoniyatlaridan ancha past darajada harakat qildi.
Biz o‘yinning barcha jabhalarida raqibdan yaxshiroq edik va yanada ko‘proq gol urishimiz mumkin edi. Biroq ular o‘z gollarini haqli ravishda kiritdi.
"Real" bizga jismoniy kurashni taklif qila oldi. Aslida, ular muvaffaqiyatga erishgan yagona jihat shu bo‘ldi", — deya Gasperinining so‘zlarini keltiradi Madrid Zone.
Qayd etish joiz, "Roma" Chempionlar ligasi umumiy bosqichining dastlabki ikki turida bor-yo‘g‘i bir ochko jamg‘ardi.
Ayni paytda rimliklar turnir jadvalida 25-o‘rinni egallab turibdi.
Musobaqaning navbatdagi turida "Roma" o‘z maydonida Slovakiyaning "Slovan" klubini qabul qiladi.
