Italiyaning «Komo» klubi bosh murabbiyi Sesk Fabregas Chempionlar ligasi umumiy bosqichining 2-turida Niderlandiyaning «Feyenoord» jamoasiga qarshi o‘yinda qayd etilgan 2:3 hisobidagi mag‘lubiyat haqida fikr bildirdi.

«Ular bizdan kuchliroq edi. Butun o‘yin davomida emas, ammo eng muhim daqiqalarda shunday bo‘ldi. Ehtimol, biz ham raqibimiz kabi shunchaki vaziyatlar yaratgandirmiz, biroq ular biroz uyushqoqroq harakat qilishdi.

Chempionlar ligasida safarda har qanday raqibga qarshi o‘ynash juda qiyin vazifa ekanini bilaman. Ayniqsa, o‘z milliy chempionatlarida g‘alaba qozonishga o‘rgangan va ustunlik qiladigan jamoalarga qarshi o‘ynash oson emas. Biz oldinga harakat qilishda davom etamiz. Hali ishlashimiz va o‘rganishimiz kerak bo‘lgan jihatlar ko‘p», — deya Fabregasning so‘zlarini Ziggo Sport manbasiga tayangan holda UEFA rasmiy sayti keltiradi.

Uchrashuv 14 oktyabr kuni bo‘lib o‘tdi. «Komo» safida Diao 18-daqiqada hisobni ochdi. Zexiel 20-daqiqada muvozanatni tikladi. Hoj Mussa 52-daqiqada «Feyenoord»ni oldinga olib chiqdi, Sanches 81-daqiqada hisobni 3:1 ko‘rinishiga keltirdi. Duvikas esa 90+3-daqiqada bitta gol farqini qisqartirdi — 3:2.