«Yuventus» yangi hujumchi izlashda davom etmoqda. Jamoa bosh murabbiyi Luchano Spalletti hujum markazini kuchaytirishni istamoqda.

So‘nggi ma’lumotlarga ko‘ra, Turin klubi «Atletiko» hujumchisi Aleksander Syorlotni tarkibga qo‘shib olishni maqsad qilgan. Norvegiyalik futbolchining nomzodini shaxsan Spalletti qo‘llab-quvvatlamoqda.

Qayd etilishicha, «Yuventus» Syorlotni qishki transfer oynasida sotib olishga harakat qiladi. Avvalroq ommaviy axborot vositalari Aleksanderni «Barselona» klubiga ham bog‘lagan edi.