Vinger Jeydon Sancho ayni paytda klubsiz qolmoqda. Yaqin kelajakda futbolchi Ispaniya chempionatida paydo bo‘lishi mumkin. BBC xabariga ko‘ra, 26 yoshli Sanchoga «Xetafe» rasmiy taklif yuborgan.

Ta’kidlanishicha, Sancho bilan kelishuvga erishish oson kechmaydi, biroq klub bunga yechim topish niyatida.

Shuni aytib o‘tish joizki, «Xetafe» yaqinda erkin agent maqomida bo‘lgan yana bir taniqli futbolchini o‘z safiga qo‘shib olgan edi. Gap himoyachi Dani Karvaxal haqida bormoqda.

Jeydon Sancho «Manchester Siti» tarbiyalanuvchisi hisoblanadi. Professional faoliyati davomida u «Borussiya» (Dortmund), «Manchester Yunayted», «Chelsi» va «Aston Villa» klublarida o‘ynagan.