“Bavariya” hujumchi Xarri Keyn bilan shartnomani 2029 yil iyun oyiga qadar uzaytirish bo‘yicha prinsipial og‘zaki kelishuvga erishdi. 33 yoshli forvardning amaldagi shartnomasi 2027 yilning yozigacha mo‘ljallangan.

Manbaning ma’lum qilishicha, tomonlar futbolchining maoshi bo‘yicha ham kelishib olgan. Ayni paytda hujjatlar ikki tomonning yuristlari tomonidan tekshirilmoqda.

Keyn 2023 yilning yozidan buyon “Bavariya” sharafini himoya qilib kelmoqda. Bu davr mobaynida angliyalik futbolchi barcha musobaqalarda 156 ta uchrashuvda maydonga tushib, 154 ta gol va 37 ta golli uzatmani o‘z hisobiga yozib qo‘ygan.

Myunxen klubi safida hujumchi ikki marta Germaniya chempioni bo‘ldi, Germaniya Superkubogini qo‘lga kiritdi, shuningdek, bir marta mamlakat Kubogida g‘olib chiqdi.