«Betis» bosh murabbiyi Manuel Pellegrini Ispaniya chempionatining 9-turi doirasidagi o‘yinda jamoasi «Barselona» hujumchilarining harakatlariga qanday qarshi turishini tushuntirdi. Uchrashuv 17 oktyabr kuni bo‘lib o‘tadi.

«Ularning oldinga o‘tib ketishiga yo‘l qo‘ymaslik uchun yakkama-yakka kurashlarda g‘alaba qozonish kerak. Shunda hammasi yaxshi bo‘ladi. Bu har doim ham amalga oshavermaydi, ammo biz harakat qilib ko‘ramiz. Raqib juda yuqori samaradorlikka ega va ijodkor futbolchilardan tashkil topgan. Ular juda ko‘p golli vaziyatlar yaratadi», — deya mutaxassisning so‘zlarini El Desmarque portali keltiradi.

«Betis» so‘nggi oltita uchrashuvda beshta g‘alabaga erishdi va bir marta durang o‘ynadi. «Barselona» esa ushbu bahsga ketma-ket oltita g‘alabadan so‘ng yetib kelmoqda.