«Бетис» бош мураббийи Мануэль Пеллегрини Испания чемпионатининг 9-тури доирасидаги ўйинда жамоаси «Барселона» ҳужумчиларининг ҳаракатларига қандай қарши туришини тушунтирди. Учрашув 17 октябрь куни бўлиб ўтади.
«Уларнинг олдинга ўтиб кетишига йўл қўймаслик учун яккама-якка курашларда ғалаба қозониш керак. Шунда ҳаммаси яхши бўлади. Бу ҳар доим ҳам амалга ошавермайди, аммо биз ҳаракат қилиб кўрамиз. Рақиб жуда юқори самарадорликка эга ва ижодкор футболчилардан ташкил топган. Улар жуда кўп голли вазиятлар яратади», — дея мутахассиснинг сўзларини El Desmarque портали келтиради.
«Бетис» сўнгги олтита учрашувда бешта ғалабага эришди ва бир марта дуранг ўйнади. «Барселона» эса ушбу баҳсга кетма-кет олтита ғалабадан сўнг етиб келмоқда.
