«Tottenxem» bosh murabbiyi Roberto De Dzerbi jamoa qanot hujumchisi Deyan Kulushevski Angliya Premyer-ligasining 7-turi doirasida «Koventri»ga qarshi o‘tkaziladigan uchrashuv qaydnomasidan joy olishini tasdiqladi.

«Ha, Kulushevski zaxira o‘rindig‘ida bo‘ladi. Biz tibbiy shtab bilan uchrashuv o‘tkazdik va shifokorlar uning qaytishiga ruxsat berishdi. Bu ajoyib yangilik.

Menimcha, bu biz uchun eng yaxshi xabarlardan biri. Chunki Deki juda ko‘p qiyinchiliklarni boshdan kechirdi. U yana maydonga tushib, futbol bilan bog‘liq hissiyotlarni tuyishga munosib.

Kecha mashg‘ulotdan keyin u bilan suhbatlashdim va shunday dedim: «Deki, qara, men tibbiy shtab bilan gaplashdim, ular sening o‘ynashingga ruxsat berishdi».

Bu gaplarni eshitishi bilan uning yuzida tabassum paydo bo‘ldi. Biz juda baxtiyormiz. Haqiqatan ham, nihoyatda xursandmiz.

Bu yerda gap hatto futbol haqida ham ketayotgani yo‘q. Men hozir futbolni nazarda tutmayapman. Ha, u o‘ziga xos futbolchi, ammo masala bundan ham muhimroq.

U juda ko‘p azob chekdi. Uning bu xabarga bildirgan munosabati esa ajoyib bo‘ldi», — dedi De Dzerbi.

Eslatib o‘tamiz, Deyan Kulushevski so‘nggi marta 2025 yilning 11 may kuni Angliya Premyer-ligasi doirasida «Kristal Pelas»ga qarshi o‘tkazilgan uchrashuvda maydonga tushgan edi. O‘sha bahs «Tottenxem»ning 0:2 hisobidagi mag‘lubiyati bilan yakunlangan.

Shu tariqa, shvesiyalik futbolchi qariyb 17 oylik tanaffusdan so‘ng yana jamoasining o‘yin qaydnomasiga qaytmoqda.