«Milan» hujumchisi Gonsalu Ramush Italiya chempionatining 7-turida «Atalanta»ga qarshi o‘tkazilgan uchrashuvda ikkinchi penaltini nima sababdan aniq amalga oshira olmaganini tushuntirdi.
Milanliklar 3:2 hisobida g‘alaba qozongan bahsning 24-daqiqasida portugaliyalik futbolchi 11 metrlik jarima zarbasidan hisobni ochdi. Biroq 57-daqiqada ikkinchi bor penalti tepish imkoniyatiga ega bo‘lgan Ramush bu safar «Atalanta» darvozaboni Marko Karnesekkini dog‘da qoldira olmadi.
«Birinchi penaltini tepishda bir zum to‘xtab, darvozabonning harakatini kuzatdim.
Ikkinchi safar esa usulimni o‘zgartirishga qaror qildim. Chunki u yana to‘xtashimni kutadi, deb o‘ylagandim. Ammo Karnesekki bunday qilmadi.
Uning oldida bosh egaman», — deya Ramushning so‘zlarini keltiradi Goal nashri.
Eslatib o‘tamiz, «Milan» ushbu g‘alabadan keyin Italiya A Seriyasi turnir jadvalida to‘rtinchi o‘rinni egallab turibdi.
