"Inter" va "Lasio" klublarining sobiq bosh murabbiyi Simone Indzagi 2027/28 yilgi mavsumda "Yuventus" ustozi lavozimiga asosiy nomzodlardan biri sifatida ko‘rilmoqda. Bu haqda La Gazzetta dello Sport xabar bermoqda.

Joriy mavsumdagi qoniqarsiz natijalarga qaramay, klub rahbariyati va egalari hozircha bosh murabbiyni almashtirish niyatida emas. Biroq yaqin oylarda vaziyat yaxshilanmasa, rahbariyatning pozisiyasi o‘zgarishi mumkin.

Mavsum yakuniga qadar Luchano Spallettining o‘rnini egallashi mumkin bo‘lgan mutaxassislar qatorida Stefano Pioli va Antonio Konte tilga olinmoqda. Shundan so‘ng klub rahbariyati Indzagini jalb qilish bo‘yicha aniq qadamlar tashlashi mumkin.

Hozirda italiyalik mutaxassis Saudiya Arabistonining "Al-Hilol" klubini boshqarmoqda.

Indzagi "Inter" bosh murabbiyi sifatida 2023/24 yilgi mavsumda Italiya chempionligini qo‘lga kiritgan. Shuningdek, u ikki marta Italiya kubogi va uch marta mamlakat Superkubogida g‘olib chiqqan.

Bundan tashqari, uning qo‘l ostida Milan klubi ikki marta Chempionlar ligasi finaliga qadar yetib borgan.