"Ювентус" - "Рома": превью
| Баҳо: |
+3; -0
|
Италия А-Серияси, 34-тур.
Марказий учрашув:
“Ювентус”-“Рома”
Италия А-Сериясининг 34-тур марказий ўйини Туриндаги "Ювентус Стэдиум" ўйингоҳида “Ювентус” ҳамда “Рома” клублари ўртасида бўлиб ўтади. Ҳозирга келиб, “Ювентус” Италия А-Серияси турнир жадвалида асосий таъқибчиси “Милан” клубини бор-йўғи 1 очко ортда қолдирган ҳолда, 68 очко билан карвонбошилик қилмоқда. Турнир жадвалидаги мавқеини сақлаб қолиш учун ҳам шимолликлар эртага фақат ғалаба учун ҳаракат қилишликлари аниқ. Хозирга келиб улар ажойиб спорт формасидалар. Буни А-Серия ўйинларинг сўнги 5 турида қайд этилган натажалардан ҳам кўриш мумкин. Жумладан, сўнгги 5 тур доирасида “Ювентус” "Фиорентина" (5:0), "Интер" (2:0), "Наполи" (3:0), "Палермо" (2:0) ва "Лацио" (2:1) каби кучли жамоаларни ҳоҳ сафарда бўлсин, ҳоҳ уйда – кетма-кет тор-мор этиб келмоқда. Шу сабаб, эртанги ўйинда туринликларни сўзсиз фаворит деб аташимиз мумкин.
Бироқ, “Рома” ҳам анойилардан эмас. Шу сабабли “бўрилар” ҳам эртага ғалаба қозониш учун тиш-тирноқлари билан курашишади, деб айта оламиз. Биринчидан, Луис Энрике шогирдлари Чемпионлар лигаси учун йўлланма берадиган ўринлардан умид узганлари йўқ. Шу билан бирга, келаси йилда Европа лигасида иштирок этишлари ҳам кафолатланмаган. Сўнгги турда “бўрилар” принципиал аҳамиятга эга бўлган учрашувда "Удинезе"-ни 3:1 ҳисобида мағлубиятга учратишди ва энди турнир жадвалида удинеликлардан бор йўғи 1 очко ортда боришмоқда.
Мазкур жамоалар ўртасидаги биринчи давра ўйинлари Римда бўлиб ўтган ва ўшанда 1:1 ҳисобидаги мағлубият қайд этилганди. Эртага “бўрилар” туринда очко қўлга кирита оладиларми, ёки бўлмасам, “Кекса синьора” скудетто учун дадил, мағлубиятсиз қадам ташлашда давом этадими - буни эртанги ўйиндан сўнг билиб оламиз.
Қиролларнинг сўнгги тўқнашуви.
Бироз ортга, аниқроғи 1990-йилга қайтиб, Франческо Тотти ва Алессандро Дель Пьероларнинг мактаб имтиҳонидан сўнг бўлиб ўтган суҳбатини эсласак. “Имтиҳонлар қандай ўтди?”, - деб сўради ёш Франческо Алессандродан. “Унча яхшимас, Франческо, биласанми, мен оппоқ қоғозни топшириб чиқдим”, - деб жавоб берди Алекс. “Сен ҳамми?!”, - ҳайратланди “Рома”нинг бўлғуси сардори. “Бўлди, энди мени сендан кўчирган деб ўйлашади”, - деганди ўшанда кейинчалик терма жамоада 10-рақамни Алессандродан тортиб олган Франческо.
Бу кейинчалик жуда машҳур бўлиб кетган ҳазил эди. Бироқ, ҳаётда ҳам худди шундай “қувлашмачоқ” ўйини уларнинг бутун футболчилик фаолиятларида ҳам давом этмоқда. Аввал бири, сал ўтиб иккинчиси дебют қилди ва чемпионликка эришди. Тотти ҳам бўш келмасдан чемпионатда киритган голлари сонини 200 тага етказди. Иккинчиси ҳам узоқ куттирмасдан ушбу маррани забт этади. Яна бир мисол. Ўттиз иккинчи тур ўйинлари. Алессандро Дель Пьеро жарима тўпидан жамоасининг ғалаба тўпини киритади. Орадан 4 дақиқа ўтиб, Римда керакли вақтда керакли позиция танлаган унинг дўсти ҳам ўз жамоаси учун муҳим ўйинда муҳим голни ўз ҳисобига ёзиб қўяди ва шунга ўхшаш мисоллар. Хуллас, нима демоқчи бўлганимни тушундингизлар, деб умид қиламан.
Бу икки ветеран А-Серия ўйинларида илк марта 1993-йилда дебют қилишган эди. Франческо март ойида илк марта майдонга тушган бўлса, орадан 6 ой ўтиб, сентябр ойида Алессандро ҳам дебют қилганди. Ҳозирга келиб Дель Пьеро 509та ўйинда майдонга тушиб, 207 тўп киритган бўлса, Тоттида бу кўрсаткич 496 ўйинда 212тани ташкил этади. Бу икки ўнинчи рақам соҳибларини исмлари тилга олинганда кўплаб футбол мухлислари кўз ўнгида майдонни ҳар бир қаричи учун курашадиган, меҳнаткаш, аллақачон ўз жамоаларининг рамзига айланиб улгурган жаҳоннинг буюк футболчилари гавдаланади.
Эртага бу икки тирик футбол афсоналари майданда ўзаро сўнгги бор тўқнаш келишлари мумкин. Балким, Дель Пьеро илк дақиқалардан асосий таркибда майдонга тушмас, лекин эртага уни майдонда кўриш эхтимоли жуда юқори. Шу ўринда ушбу икки футболчига оид яна бир статистика. Бу мавсумда Тотти 21 марта илк дақиқалардан ўз жамоаси таркибидан майдонга тушган ва 5 тўп киритган бўлса, Дель Пьерода ушуб кўрсаткич 3 та ўйинда 2 та тўпни ташкил этади.
Албатта бу статистикалар, ўхшашлик ва қарама-қаршиликлар, дўстлик ва муносабатлар бу икки футболчи майдонга тушиб келганда ўз аҳамиятини йўқотади. Майдонда уларнинг фикру хаёли фақат бир нарсада - ўзлари фаолиятини бағишлаган ва доим футболкасига содиқ қолиб келган жамоалари шаънини муносиб ҳимоя қилиш ва ўз жамоасига ғалаба келтириш билан банд бўлади. Шунинг учун ҳам бу икки футболчи ўз клубларига ва миллий терма жамоасига кўп нарса бера олди. Шу жумладан 2006-йилги жаҳон чемпионлигини ҳам.
Кутилаётган ўйин нафақат Тоти ва Дель Пьеро қарама-қаршилиги, балки жамоада уларнинг ворисларига айланиши кўзда тутилаётган Де Росси ва Маркизио қарама-қаршилиги билан ҳам муҳим. Шу билан бирга, мухлислар учун Артуро Видаль ва Миралем Пьянич тўқнашувини кузатиш ҳам қизиқ бўлса керак. Бу икки футболчи ҳам Италия футболига жуда тез мослашиб кетишди. Ҳали ёш бўлишига қарамасдан, Миралем халқаро майдонда етарлича тажрибага эга ва “Рома”нинг ўйинларига янгилик олиб кира олди, деб бемалол айта оламиз. Шунингндек, ўйиндаги яна бир принципиал аҳамиятга эга воқеълик - бир неча йил Римликлар сафини ҳимоя қилган Вучинич эртага ўзининг собиқ жамоасига қарши майдона тушади.
Сўнгги турларда кўрсатилган натижалар:
“Ювентус”
32-тур, 11.04.2012: “Ювентус” 2-1 “Лацио”
31-тур, 07.04.2012: “Палермо” 0-2 “Ювентус”
30-тур, 01.04.2012: “Ювентус” 3-0 “Наполи”
29-тур, 25.03.2012: “Ювентус” 2-0 “Интер”
28-тур, 17.03.2012: “Фиорентина” 0-5 “Ювентус”
27-тур, 11.03.2012: “Женоа” 0-0 “Ювентус”
“Рома”
32-тур, 11.04.2012: “Рома” 3-1 “Удинезе”
31-тур, 07.04.2012: “Лечче” 4-2 “Рома”
30-тур, 01.04.2012: “Рома” 5-2 “Новара”
29-тур, 25.03.2012: “Милан” 2-1 “Рома”
28-тур, 17.03.2012: “Рома” 1-0 “Женоа”
27-тур, 11.03.2012: “Палермо” 0-1 “Рома”
2008 йилдан буён ўзаро ўйинлар статистикаси:
24.01.2012 “Ювентус” 3-0 “Рома”
12.12.2011 “Рома” 1-1 “Ювентус”
03.04.2011 “Рома”0-2 “Ювентус”
27.01.2011 “Ювентус” 0-2 “Рома”
13.11.2010 “Ювентус” 1-1 “Рома”
23.01.2010 “Ювентус” 1-2 “Рома”
30.08.2009 “Рома” 1-3 “Ювентус”
21.03.2009 “Рома” 1-4 “Ювентус”
01.11.2008 “Ювентус” 2-0 “Рома”
Кутилаётган таркиблар:
“Ювентус”: Буффон, Барцальи, Бонуччи, Кьеллини, Видаль, Маркизио, Пепе, Де Челье, Квальярелла, Вучинич.
“Рома”: Стекеленбург, Таддеи, Де Росси, Кьяер, Хосе Анхель, Гаго, Пьянич, Маркиньо, Тотти, Ламела, Освальдо.
Тахминий ҳисоб: 2-1
Жамшид Машрапов
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 ALESANDRO |
Сана: 23.04.2012 11:43. ALESANDROга ёзиш |
+1; -0
|
|
0
|
 DILSHODTA |
Сана: 22.04.2012 23:33. DILSHODTAга ёзиш |
+0; -0
|
|
0
|
 TANQIDCHI |
Сана: 22.04.2012 21:41. TANQIDCHIга ёзиш |
+0; -0
|
|
0
|
 SARVARBEKY |
Сана: 22.04.2012 15:32. SARVARBEKYга ёзиш |
+0; -0
|
|
0
|
|
SARVARBEKY |
Сана: 22.04.2012 15:31. SARVARBEKYга ёзиш |
+1; -0
|
|
0
|
|
DILSHODTA |
Сана: 22.04.2012 02:01. DILSHODTAга ёзиш |
+0; -0
|
|
0
|
|
DILSHODTA |
Сана: 22.04.2012 01:59. DILSHODTAга ёзиш |
+1; -0
|
|
0
|
МУАЛЛИФНИНГ БОШҚА МАҚОЛАЛАРИ
- "Ювентус" - 115 ёшда!
- Juventus vs mafia
- Qirol qaytmoqda!
- Пора, дядьки, пора!
- Трансфер бозоридан дараклар
- Тақдирлаш маросими (фотожамланма)
- WE ARE THE CHAMPIONS!
- Виновода “очиқ эшиклар куни”
- "Ювентус" расмий мадҳияси
- "Ювентус" - "Рома": превью
- Шуми футбол?!
- ...
- Шошилинч хабар!
- Биз Фейсбукда!
- Муқаддима ўрнида
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
