"Порту" бош мураббийи Франческо Фариоли келажакда "Наполи"ни бошқариш эҳтимолини истисно этмади.
37 ёшли италиялик мутахассис Чемпионлар лигасида Неаполь клубига қарши ўйин олдидан ўтказилган матбуот анжуманида шу ҳақда фикр билдирди.
Аввалроқ "Наполи" президенти Аурелио де Лаурентис Фариолини жамоага таклиф қилишга қизиқиш билдиргани ҳақида хабарлар тарқалганди.
"Де Лаурентис менинг мухлисимми? "Наполи"нинг менга бўлган қизиқиши аллақачон эскириб кетганми? Агар шундай бўлса, қўшимча қиладиган гапим йўқ. Келажакда нима бўлишини ким билади? Кўрамиз", — деди Фариоли кулимсираб.
Эътиборлиси, Фариоли мураббийлик фаолиятини Италиядан ташқарида олиб борган ва ҳозиргача А Серияда ишламаган.
Италиялик мутахассис ўтган мавсум "Порту"ни Португалия чемпионлиги сари етаклаган.
