Жанубий Кореянинг "Ульсан Хёндэ" жамоаси Кей-лиганинг 2-турида ҳам ғалаба қозонди. Улар сафарда "Поханг Стилерс" устидан 4:2 ҳисобида зафар қучишди.
Эътиборлиси, бу сафар ҳам Сервер Жепаров ўз ҳисобига гол ёзиб қўйди. Биринчи бўлимга қўшиб берилган дақиқаларда ўзбекистонлик футболчи "Поханг" дарвозасини ишғол қилиб, жамоасини ҳисобда олдинга олиб чиқди.
Иккинчи бўлим эса голларга бой бўлди. Бўлим бошида мезбонлар ҳисобни тенглаштиришган бўлса, 64 ва 67-дақиқада киритилган голлар эвазига ульсанликлар жиддий устунликка эга бўлиб олишди. Ўйин сўнгида томонлар яна биттадан гол уришди.
Ушбу ғалабадан кейин "Ульсан Хёндэ" 6 очко билан жадвални бошқармоқда.
