"ПСЖ" ҳужумчиси Златан Иброҳимович Франция чемпионатининг 29-турида "Бордо"га қарши учрашув (2:3) ҳакамини ҳақорат қилгани учун кечирим сўради.
Швед футболчисининг ғазабига "Бордо" посбони ўз ҳимоячиси узатган тўпни қўлига олгандан сўнг учрашув ҳакамининг эркин тўп белгиламагани сабаб бўлди. Камералар футболчининг стадион биноси ичида "15 йил давомида бунақа... (номаъқул сўзлар) ҳакамни кўрмаган эдим. Бу мамлакат "ПСЖ"га лойиқ эмас" деган гапларини ёзиб қолган эди.
Менинг футболим фақат футболга алоқадор эди, бошқа ҳеч нарсага эмас. Биз ютқаздик, бунга лойиқ эдик. Аммо қоидаларга амал қилмайдиган ҳакамлар билан ҳеч қачон келиша олмайман. Бу биринчиси эмас. Менинг гапларим ҳиссиётлар остида айтилди. Кимга тегиб кетган бўлса узр сўрайман", - дейди Иброҳимович.
Эслатиб ўтамиз, бу гаплар Францяи спорт вазиригача етиб борган ва у швед футболчисини кечирим сўрашга чақирган эди.
