"ПСЖ" ҳужумчиси Златан Ибрагимович "Бордо" билан ўйиндан (2:3) сўнг ҳакамлар шаънига билдирган фикрлари учун узр сўради. Эслатиб ўтамиз, швед ўғлони ҳакамнинг учрашув охирларида эркин зарба белгиламагани учун ғазабланганди. Ўша вазиятда "Бордо" дарвозабони Седрик Карассо ўз футболчиси Саненинг тўп узатишидан сўнг тўпни қўли билан эгаллаб олганди.
“Менинг гапларим фақат футболга алоқадор. Биз мағлубиятга учрадик ва бу адолатли натижа эди. Аммо мен ҳеч қачон қоидаларга риоя қилмайдиган ҳакамлар билан муроса қилолмайман. Бундай вазият биринчи марта рўй бераётгани йўқ.
Ўша вазиятда ҳиссиётларимни жиловлай олмадим. Бунинг учун ҳаммадан узр сўрайман”, - дея “СЭ” L’Equipe нашрига таяниб Ибрагимович фикрларини келтиради.
