Бугун бўлиб ўтиши керак бўлган ЖЧ-2018 саралашидан ўрин олган Покистон ва Яман терма жамоалари ўртасидаги 1-босқичнинг жавоб ўйини номаълум муддатга қолдирилди. Бу ҳақда ФИФА кеча кечаси расмий қарор қабул қилди.
Ўйиннинг қолдирилишига яқиндагина Покистоннинг Лахор шаҳрида юз берган портлаш сабаб бўлган. Шаҳарнинг христианлар яшайдиган қисмида рўй берган 2та портлаш натижасида 14 одам ўлди ва 70дан ортиқ одам жароҳат олди.
"Хавфсизлик нуқтаи назаридан ОФК ва ФИФА 17 март куни Лахорда бўлиб ўтиши керак бўлган ЖЧ-2014 саралашидан ўрин олган Покистон ва Яман ўртасидаги ўйинни бошқа муддатга қолдиришга қарор қилди. Жавоб ўйини нейтрал майдонда ўтказилади ва унинг муддати ҳақида кейинроқ маълумот берилади", - дейилади баёнотда.
Эслатиб ўтамиз, 12 март куни Доҳада бўлиб ўтган дастлабки ўйинда Яман 3:1 ҳисобида ғалаба қозонганди.
