Олий Лига 2-туридан ўрин олган "Қўқон-1912" ҳамда "Пахтакор" клублари ўртасидаги ўйин "Пахтакор" клубининг бир нечта нафар аъзоси Ўзбекистон олимпия терма жамоасига жалб этилгани боис бошқа муддатга кўчирилиши мумкин.
Тасдиқланмаган маълумотларга кўра, 22 март куни бўлиб ўтиши керак бўлган ўйин бошқа муддатга қолдирилади.
Эслатиб ўтамиз, Ўзбекистон олимпия терма жамоаси U-23 ёшлар ўртасидаги Осиё Чемпионати саралаш баҳсларида иштирок этиш учун Бангладешга жўнаб кетади. Терма жамоа бош мураббийи Бахтиёр Ашурматов мазкур саралаш баҳсларига борадиган таркибга бир неча нафар "Пахтакор" футболчиларини жалб этган.
Бу борада ПФЛнинг расмий қарорини кутиб қоламиз.
