Бугун Жанубий Корея кей-лигаси 2-тури қаҳрамонлари эълон қилинди. "Поханг Стилерс" дарвозасига гол киритган терма жамоамиз сардори Сервер Жепаров 2-тур рамзий терма жамоасидан ўрин олди.

Унга қуйидагича таъриф берилган: "Бу йилги мавсум ҳисобидан "Шарқий Денгизбўйи дерби"сининг илк голини киритди ва кучли зарбалари билан ёдда қолди. Аниқ тўп узатмаларини амалга оширди".

2-тур рамзий терма жамоасидан "Сеонгнам" дарвозабони Парк Жун Ҳёк, ҳимоячилар: Жонг Донг Ҳо (Улсан), Ан Ёнг Гу (Гвангжу), Шин Се Ге (Сувон), Матей Ёнич (Инчон), ярим ҳимоячилар: Сервер Жепаров (Улсан), Ём Ки Ҳун (Сувон), Ким Ҳо Нам (Гвангжу), Ли Же Сонг (Чонбук), ҳужумчилар: Янг Донг Ҳён (Улсан), Эду (Чонбук) каби футболчилар жой олишди.

2-турнинг энг яхши жамоаси деб "Сувон" топилган бўлса, "Поханг Стилерс" - "Улсан Хёндэ" (2:4) ўйини 2-турнинг энг қизиқарли ўйини деб баҳоланди.

Отабек Йўлдошев
Жанубий Корея, Сеул