"Манчестер Юнайтед" яримҳимоячиси Анхель Ди Мария ёзда клубни тарк этмоқчи, дея хабар беради, Daily Express.
Аргентиналик футболчи бу ҳақда агенти Жорже Мендешга маълум қилган, ўз навбатида у янги клуб қидирувига киришган.
Ди Мариянинг хизматларига "ПСЖ", "Ювентус" ва "Барселона" клублари қизиқмоқда.
Эслатиб ўтамиз, Ди Мария "МЮ"га 2014 йилнинг августида 59,7 миллион фунт эвазига "Реал"дан ўтган эди.
27 ёшли футболчи бу мавсум АПЛнинг 20 учрашувида 3 гол урган ва 8 голли узатма оширган.