Мадриднинг «Реал» клубида вазият ўта кескинлигича қолмоқда. «Барселона»га қарши бўлажак «Эль-Класико» олдидан жамоа ичидаги муҳит ҳавас қиларли даражада эмас — сўнгги кунларда футболчилар ўртасидаги келишмовчиликлар ва ҳатто муштлашувлар ҳақида хабарлар тинмаяпти.

Пайшанба куни Федерико Вальверде ва Орельен Тчуамени ўртасида янги муштлашув содир бўлгани хабар қилинганди. Ушбу воқеадан сўнг Вальвердега тиббий ёрдам керак бўлган — кучли зарба натижасида у жароҳат олиб, шифохонага боришга мажбур бўлган.

Marca нашрининг янгиланган маълумотларига кўра, низонинг янги тўлқини эрталабдан бошланган:

Вальверде машғулот олдидан франциялик жамоадоши билан қўл бериб кўришишдан бош тортган.

Бу ҳолат кун давомида кучли тарангликни келтириб чиқарган ва машғулот якунида жиддий муштлашувга айланиб кетган.

Ушбу воқеадан сўнг «Реал» раҳбарияти ва мураббийлар штаби жамоа ичида зудлик билан фавқулодда йиғилиш ўтказишган. Ҳозирча клуб 10 май куни бўлиб ўтадиган муҳим баҳс олдидан футболчиларни қандай қилиб руҳий жиҳатдан бирлаштириши номаълум бўлиб қолмоқда