Афсуски, сўнгги йилларда, айниқса халқаро учрашувларда ирқчилик мавзуси тез-тез кўтариладиган бўлиб қолди.

Бу борада халқаро футбол федерациялари уюшмаси – ФИФА махсус лойиҳа ишлаб чиққан бўлиб, футболдаги ирқчилик ва камситиш ҳолатлари учраганда айбдорларга жиддий чоралар кўриб келмоқда.

“Бунёдкор” футбол клубида ирқчилик ва унга қарши курашга бағишланган йиғилиш бўлиб ўтди. Мураббийлар штаби ва футболчиларга ушбу мавзу юзасидан машҳур шарҳловчи, педагогика фанлари номзоди, доцент Мирзаҳаким Тўхтамирзаев маъруза ўқиди. Ўз навбатида жамоа аъзолари ҳам бу борада фикрларини билдиришиб, ирқчилик бугунги кунда кўз юмиб бўлмайдиган, иллат эканлигига алоҳида эътибор қаратишди. Мураббийлардан Юрий Саркисян, Амет Мемет ва Сергей Лушан, футболчилардан Шакер Зуаги ҳамда Хайрулла Каримов фикр мулоҳазалари билан ўртоқлашишди ва “Бунёдкор” футбол клуби вакиллари ҳеч қачон ирқчиликка йўл қўймасликларини таъкидлашди.