Kun.uz: Англия терма жамоаси ва “Ливерпуль”нинг 20 ёшли яримҳимоячиси Раҳим Стерлинг ўз жамоасидан кўпроқ маош талаб қилмоқда.

Бу вақтда эса “Манчестер Сити” бу футболчини ўз таркибига олиш учун 60 млн евро сарфлашга тайёр. Агар бу харида амалга ошса, бу АПЛ тарихидаги энг қимматбаҳо трансфер сифатида қайд этилади.

Бироз олдинроқ, Раҳим Стерлинг мерсисайдликлар билан янги шартнома тузилишига умид қилаётганини билдирганди. Лекин “Ливерпуль” бу футболчи учун ҳафтасига 140 минг евродан ортиқ маош тўлай олмаслигини маълум қилган.

“Шаҳарликлар” эса, футболчини сотиб олишга керагидан ортиқ пул сарфлашдан ташқари, у истаган маошни беришга ҳам рози.

Бу футболчига шунингдек, “Реал” ва “Бавария” жамоаларидан ҳам қизиқишлар мавжуд.