"ПСЖ" клуби ва Италия терма жамоаси яримҳимоячиси Марко Верратти Италия футболининг ҳозирги ҳолати ҳақида фикрларини билдирди.
"А серия илгаридагидай эмас, аммо Италия футболи қайта туғилиши учун ҳар доим ресурслар етарли. Ҳозир клублар ёшлар жамоалари ва истеъдодли итальян ёшларига эътибор қаратишлари керак.
Ўзим ҳозирча Италлияга қайтишни режалаштирмаяпман, аммо бундан ташвиш қилиш керак эмас. Мен ҳозир бўлиб турган жойимда бахтиёрман. Буюк клуб ва терма жамоа сафида ўйнаётганимдан хурсандман", - дейди Верратти.