ЕЧЛ чорак финалида “Монако” билан ўйнайдиган “Ювентус” бу учрашувлардан Фалькаонинг трансферини муҳокама қилишда фойдаланади.
“Ювентус” клуби ёзда “Бока Хуниорс” клубига кетадиган ҳужумчиси Карлос Тевес ўрнига колумбиялик ҳужумчи Радамель Фалькаони олиб келишни мўлжалламоқда.
“Манчестер Юнайтед” сафида ижара асосида тўп сураётган Фалькаони инглиз клуби умидларини оқлай олмагани учун сотиб олиш ниятидан воз кечди. Шу туфайли бу ўйинчига қизиқиш билдираётган “кекса синьора”да ўз бахтини яна бир бор синаб кўришга имконият пайдо бўлади.
Молиявий шартлар бу келишувни амалга оширишдаги энг асосий тўсиқ бўлмоқда. “МЮ” Фалькаонинг ижараси учун 12 млн евро тўлаган, ўйинчини тўлиқ сотиб олиш эса “МЮ”га 55 млн еврога тушарди. 29 ёшли футболчи йилига 12 млн евро маош олади. “Ювентус”да энг катта маош оладиган ўйинчи Карлос Тевес Фалькаодан 3 марта кам, яъни 4,5 млн евро ҳақ олади.
Тевеснинг “Ювентус” билан шартномаси 2015/16 йилларги мавсум охиригача тузилган, бироқ у шу йилнинг ёзида ўз юртига қайтиб кетиши эҳтимоли мавжуд.
Фалькаодан ташқари, “Ювентус” “Монако” клуби яримҳимоячилари Жоффри Кондогбиа ва Антони Мартьял билан ҳам қизиқмоқда, деб хабар беради Football Italia нашри.
