"Манчестер Юнайтед" ҳимоячиси Дэйли Блинд жамоа бош мураббийи Луи ван Гал ҳақида фикр билдирди.

"Одмалар Ван Гални қаттиққўл деб ўйлайдилар. Аммо бу унинг тўғрисўзлигидан. У одамларга виждонан муносабатда бўлади. Ҳа, баъзан у бирор футболчи учун қўрқинчли туюлиши мумкин. Аммо менга одамлардаги, мураббийлардаги бу феъл ёқади.

Ван Гал қўл остида ҳар бир футболчи ўз вазифасини яхши билади. Ҳаммаси очиқ-ойдин, ўйлашимча, бу футболчиларнинг ишини осонлаштиради. Жамоа сифатида унинг фалсафасига ишонамиз.

Мен ҳам хатога йўл қўяман ва Ван Галдан нима қилиш кераклигини ўрганаман. У жаҳлдор кўриниши мумкин, аммо у ҳақиқатдан ҳам сенга яхши бўлишини истайди. Футбол нуқтаи назаридан у ортиқча гапларни гапирмайди", - дейди Блинд.