“Қизилқум” – “Бунёдкор” учрашувидан кейинги матбуот анжуманининг иккинчи қисмида навоийликлар устози иштирок этди.
- Ўйлашимча, илк гол киритилгунга қадар учрашув тенг курашлар остида ўтди. Биринчи бўлимда рақибга қараганда бизда ҳисобни очиш учун кўпро қимкониятлар бўлди. Лекин вазиятлардан самарали фойдалана олмадик. Сардор Рашидов майдонга тушгач, “Бунёдкор”нинг ўйини жонланиб кетди. Учрашувни томоша қилиш учун стадионга жуда кўплаб мухлислар ташриф буюрди. Очиғини айтганда, шунча мухлис ҳаққи-ҳурмати ижобий натижа қайд этишимиз керак эди. “Қизилқум” ҳар қандай жамоа билан курашишга тайёр. Мана бугун ҳам “Бунёдкор” билан деярли тенгма-тенг ўйнадик. Бироқ маҳорат барибир ўз сўзини айтди. Кейинги учрашувларда ҳам рақибларга муносиб қаршилик кўрсатишга ҳаракат қиламиз, - дейди Юрий Лукин.