“Манчестер Юнайтед” “Валенсия” ҳимоячиси Николас Отаменди ва “Реал” футболчиси Рафаэль Варанга қизиқиш билдирмоқда. Бу ҳақда Daily Express нашрига таяниб “СЭ” хабар тарқатмоқда. Англия клуби бу икки футболчи учун 70 миллион фунт стерлинг тўлашга тайёр.
27 ёшли Отаменди “Валенсия” таркибига 2014 йилда “Порту”дан келганди. Айни вақтда аргентиналик футболчи “Атлетико Минейро”да ижарада тўп сурмоқда.
21 ёшли Варан “Реал”да 2011 йилдан бери тўп суриб келади. Бунгача француз футболчиси “Ланс” шарафини ҳимоя қилган.
