Ўзбекистон чемпионатининг ушбу мавсумида иштирок этаётган 16 та клуб сафида 6 нафар Қорақалпоқ футболи тарбияланувчилари тўп суришмоқда. Furkat.uz ўз анъанасига биноан 2-турда Қорақалпоғистонлик футболчиларнинг кўрсаткичлари ҳақида тўхталиб ўтади.

Саламат Қуттибоев энг яхши футболчи бўлди
«Олмалиқ» жамоаси сафида тўп сураётган Саламат Қуттибоев «Насаф»га қарши учрашувда тўлиқ ҳаракат қилди ва жамоасининг ғалабасига муносиб ҳисса қўшди. Саламат «аждарларга» қарши ўйинда жамоасининг энг яхши футболчиси сифатида эътироф этилди.

Айбек Нурбоев 90 дақиқа ҳаракат қилди
Фарғонанинг «Нефтчи» клубида ўйнаётган Айбек Нурбоев бу сафар ҳам 90 дақиқа мобайнида майдонда ҳаракат қилди. Нефтчи бу турда Тошкентда «Локомотив» билан 1:1 ҳисобидаги дурангга имзо чекди.

Темур Турдиев 22 дақиқада алмаштирилди
«Бухоро»да ўйнаётган Темур Турдиев «Динамо»га қарши беллашувнинг 22 дақиқасида захирага олинди. Унинг ўрнига майдонга Жамшид Ҳасанов тушди. Ушбу беллашувда «Бухоро» 1 очкони қўлга киритди.

Азамат Алланиязов қайдномага киритилмади
«Насаф» ҳужумчиси Азамат Алланиязов бу сафар ҳам қайдномага киритилмади. Биздаги маълумотларга қараганда унда жароҳат бор ва Азамат яқин орада сафга қайтиши кутилмоқда. «Аждарлар» бу турда кутилмаганда «Олмалиқ»қа имкониятни бой беришди.

Азамат Бобожонов қайдномга киритилмади
«Навбаҳор»да тўп сураётган Азамат Бобожонов ҳам қайдномага киритилмади. Азамат биринчи турда ҳам таркибдан жой олмаган эди. Бу турда «Навбаҳор» ўз майдонида «Металлург» билан очколарни бўлишиб олишга мажбур бўлди.

Наврўз Алимов жамоаси дам олди
Наврўз Алимов тўп сураётган «Пахтакор»нинг 2-турдаги учрашуви қолдирилди. «Шерлар» бу турда Қўқонда меҳмон бўлишлари керак эди. Наврўз 3-турда бу йилги чемпионатдаги дастлабки ўйинини ўтказиши мумкин.

Фурқат Юсупов
Манба: www.Furkat.uz