"Атлетико" бош мураббийи Диего Симеоне клуб билан шартномасини 2020 йилгача узайтиргани хусусида фикр билдирди.
"Клуб мураббийлар штабига яна ишонч билдирди ва бу жамоанинг ўсишига ва ривожланишига ёрдам беради. Клуб раҳбариятига, ходимларига ва клубни тарк этган ҳамда ҳозир ўйнаётган футболчиларга миннатдорчилик билдираман. Бу ҳамкорликсиз, ҳаракатларсиз, ишонч ва билимларсиз бу даражага етмас эдик.
Ўз қароримга ишонаман, чунки клуби ривожланишда давом этади деб ўйлайман. Мен атрофимда кучли ва жиддий ниятли кишиларни кўряпман", - дейди Симеоне.
