"Реал" бош мурабийи Карло Анчелотти фаолиятини Англияда давом эттириши мумкин.
"Манчестер Сити" 55 ёшли италиялик мутахассис билан музокараларни бошлади, дея хабар беради Sky Sport Italia.
"Шаҳарликлар" ҳозирги устозлари Мануэль Пеллегрини билан чемпионлар лигасининг 1/8 финали босқичида мусобақани тарк этдилар. "Сити" раҳбарлари эса клуб еврокубокларда ғолиб чиқиш учун курашишини истамоқдалар.
Таъкидлаш жоиз, Анчелотти чемпионлар лигасида уч марта ғолиб чиққан - "Милан" (2003, 2007) ва "Реал" (2014).
Анчелотти Англияда ишлашга улгурган: 2009-2011 йилларда "Челси"ни бошқарган ва клуб билан чемпионлик, Кубок ва Суперкубокни қўлга киритган.
