Россия терма жамоаси устози Фабио Капелло Англия клубларининг нима учун ҳалқаро майдонларда муваффаққият қозона олмаётганликлари борасида фикрини билдирди.
"Англия клубларини инқирозда деб аташ нотўғри, бу жуда кучли сўз. Аммо Англия клубларининг қийин даврни бошларидан кечираётганликлари - бор гап. Уларнинг таркибларида соврин ютган, яхши футболчилар бор, аммо улар ҳақиқий юлдуз эмаслар.
Англияда Роналду, Месси, Нойер ва Иброҳимович каби футболчилар йўқ. Масалан, теннисда ҳар доим кучсиз рақиб билан ўйнасанг, ҳеч қачон ривожланмайсан", - дейди Капелло.